Hlcysjt

The Crow: City of Angels
Il corvo 2 - La città degli angeli
Iggy Pop in na figùra dal film
Al córuv 2 - La sità di àngil 1996
Regia: Tim Pope
Scritùr: James O'Barr • David S. Goyer
Atùr: Vincent Pérez • Mia Kirshner • Thuy Trang Richard Brooks • Iggy Pop • Vincent Castellanos
Müsica: Graeme Revell
Lengua: Ingléś
Dürä dal film: 84 minüt
Nasiòṅ: Stat Unî

Il corvo 2 - La città degli angeli (Al córuv 2 - La sità di àngil) l è 'n film fantàstic dal 1996 ad Tim Pope, regìsta dvintâ famóś in di an Utànta e Nuànta p'r avér girâ dimóndi vìddeo dal grup muśicàl dark di The Cure. La pelìcula, séguit dal film Il corvo ad dū an prima, la tōś ispirasiòṅ da 'l fumét creâ par James O'Barr.

In dla culòna sunóra dal film i s càtan di pès di Bush (In a Lonely Place), di Hole (Gold Dust Woman), 'd Iggy Pop (I Wanna Be Your Dog), di Korn (Sean Olson), dla P.J. Harvey (Naked Cousin), di Deftones (Teething) e àt'r incóra.

Sunt

La Sarah Mohr (Mia Kirshner), dòp avér pianśû la mòrt dal muśicìsta sò amìg Eric Draven e dla sò muróśa, la Shelly Webster, l'à spatinâ a Los Angeles in du la scampa faghénd di tatuàǵ. Adès la sità la s è impinìda 'd delinquènt e a fà sèmpar scûr. Un dè al cap di criminài dal cartèl dla dròga, Judah Earl (Richard Brooks), al masa 'l mecànig 'd mòti Ashe Corven (Vincent Perez) e sò fiōl Danny (Eric Acosta) parchè testimòni 'd 'n umisìdi. I cadàv'r i vînan pò butâ in mâr.

A s diś che quànd qualchidòṅ al mōr, un córuv al pòrta sèg la sò anma in dla tèra di mòrt ma quànt la mòrt l'è tròp bruta e pîna 'd dulōr, c'l uśèl lè al la fà turnàr in vita par far in manéra ad giustàr i cònt. 'L è acsè che Ashe al salta fóra da l'àqua par tōr la vindéta ch'a gh spèta, tacànd da cal malnét ad Nemo (Thomas Jane) e pasànd pò par cal brut grintèṅ ad Curve (Iggy Pop).

Culegamènt estéran

• (EN) La schéda dal film in s'l IMDb
• (IT) La schéda dal film in sal FilmTv
• (IT) La schéda dal film in sal sit dla Cunferénsa Episcupàla