Гьажимурадов Жамидин Гьажимурадан хваo Pi
Гьажимурадов Жамидин Гьажимурадан хва — лезги шаир, сатирик.
1934 йисан 25 майдиз Докъузпара райондин Миграгъар хуьре дидедиз хьана. Ада хайи хуьруьн юкьван мектеб ва Москвада Литературадин институт куьтягьна. Гзаф йисара Лезги радиодин ва газетдин редакцийра кIвалахна. «Самур» журналдин редактор ва Дагъустандин СП-дин секретарь тир. Жамидина сифте шиирар гьеле мектебда кIелзавай йисара кхьиз эгечIна. Ам Магьачкъалада ва Москвада лезги ва урус чIаларал акъатнавай 20-далай гзаф ктабрин автор я: «Къалгъанар» (1958), «Гьач-вач» (1964), «Са кIус хъвер» (1967), «Арада затI аваз хьурай» (1969), «Шаламра къван» (1970), «Гимишдин сас», «Регъуь хьайи спелар» (1976), «Сатирикдин хуьрекар» (1979), «Башуьсте» (1984), «Ваз ам чидач» (1994) ва мсб. Жамидина лезги сатира ва юмор вилик тухуник вичин чIехи пай кутуна. Ам «Дагъустандин культурадин лайихлу кардар» я. 1997 йисуз адаз «Ваз ам чидач. . .» ктабдай Дагъустан Республикадин Гьукуматдин премия гана. Шаир УФ-дин кхьирагрин Садвилин член тир.
Зари 2003 йисуз рягьметдиз фена, ам хайи хуьре кучукнава.
ЭлячӀунар[Дуьзар хъувун | вики-текст дуьзар хъувун]
- «Дагъустандин литература.11-класс.» (Магьачкъала-2003)
