Kanton Usserschwyz ftQq H R Nnbx o21 x j NYyJ34t Mmzp 73d7h L1
Dr Kanton Usserschwyz isch e Kanton in dr Schwiiz gsi, wo vo 1831 bis 1833 bestande het.
D Kantonsdäilig[ändere | Quälltäxt bearbeite]
Im Johr 1831 hai sich die drei Usserschwyzer Bezirk im Nordoste vom Kanton Schwyz, Vorder Hof (die hütig Ortschaft Pfäffikon), wo erscht 1848 mit em Hintere Hof zum Bezirk Hööf zämegschlosse worde isch, March und Eisiidle, und der Bezirk Chüsnacht im Weschte vom Kanton vo däm abgspalte, zum en eigene Kanton z bilde. Dr Grund für d Abspaltig isch s Gfüül gsi, ass si vo dr Regierig z Schwyz vernochlässigt würde, und will sich die konserwative Innerschwyzer gwäigeret häi, d Kantonsverfassig im e liberale Sinn z rewidiere.
Die provisorischi Verwaltig vom Kanton Usserschwyz isch scho am 6. Januar 1831 an dr liberale Volksversammlig z Lache bstellt worde. Es het Vermiddligsversüech gee, aber dr Halbkanton isch am 27. April 1832 doch konstituiert worde. D Daagsatzig het dr Kanton Usserschwyz provisorisch am 29. April 1833 anerkennt und het dr Landammaa Joachim Schmid as offizielle Gsandte zur äidgenössische Daagsatzig zuegloo. Dr Hauptort vom Kantons Usserschwyz het abgwächslet zwüsche Lache und Eisiidle.
Em rästlige Halbkanton, wo vo Schwyz no übrig blibe isch, het me Innerschwyz gsait. Drzue hai näben em alte Landdeil au dr Hinteri Hof ghört, wo dr hütige Gmeind Wollerau entspricht.
D Widerveräinigung[ändere | Quälltäxt bearbeite]
Wo Schwyzer Drubbe denn am 31. Juli 1833 under em Oberst Theodor Ab-Yberg mit Gwalt gege Küssnacht vorgange si und dr Bezirk bsetzt häi, het d Daagsatzig milidäärisch in Schwyz interweniert und die bäide Bardeie zwunge, zämmezhocke. Dr sogenannti «Küssnachter Handel» isch am 23. Oktober 1833 mit dr Iifüerig von ere nöije Verfassig beändet worde, wo im ganze Kantonsgebiet die volli politischi Rächtsgliichhäit garantiert het. Innerschwyz hätt zerst die ganze Chöste für die äidgenössischi Interwenzioon, 400'000 Franke, sölle zaale, mä het das aber schliesslig uf 100'000 Franke reduziert.
Weblink[ändere | Quälltäxt bearbeite]
- Kaspar Michel, Erwin Horat, Oliver Landolt: Schwyz. In: Historisches Lexikon vo dr Schwiiz.
|
Dä Artikel basiert uff ere fräie Übersetzig vum Artikel „Kanton_Ausserschwyz“ vu de.wikipedia.org.
E Liste vu de Autore un Versione isch do z finde. |